Mas ginapasangkad pa ang operasyon sang mga district hospital sa Probinsya sang Iloilo.
Sa interview sang Bombo Radyo kay Iloilo Governor Arthur Defensor Jr., iya ginpahayag nga may yara sang resource sharing ang mga ospital sang probinsya sa Department of Health (DOH) agud magtaas ang kapabilidad sa pagbaton sang mga pasyente sa COVID-19 kag mangin sa Non-COVID-19.
Suno kay Defensor, bukas ang mga ospital sa probinsya sa paghire sang mga dugang nga mga espesyalista.
Nagpresentar man suno sa gobernador ang DOH sang dugang nga health specialists sa tion nga kinahanglan.
Nakahanda man suno natungdan ang tanan nga ospital sa probinsya sa paglapad, pagdugang sang personnel, mga pasilidad kag equipment, mga bulong agud mas mahatagan sang nagakaigo nga pagbulong kag akomodasyon ang tanan nga pasyente.
