Gin-aresto sang kapulisan ang popular nga food vlogger nga si Diwata, ukon si Deo Jarito Balbuena sa matuod nga pangalan, bangud sa kaso sang slight physical injuries.
Suno sa Pasay City police, ginserbe ang warrant of arrest sa “Diwata Pares” street food stall sa Diokno Boulevard sa Barangay 76 sa amo nga syudad kaina sang aga.
Nakaguwa man si Diwata 12:00 kaina sang udto matapos nagpyansa sang P3,000.
Ang kaso ang nag-ugat sa natabo sadtong Mayo 5, 2018 kun sa diin base sa police records, natabo ang insidente sa idalom sang taytay sa Diokno Boulevard sa Pasay City.
Suno sa complainant nga si Rogelio Magallanes, isa ka construction worker, nagapahuway ini sa idalom sang Diokno Bridge sang nag-abot si Diwata kag naghimo sang komosyon.
Gin-alegar nga nagdaku ang komosyon tubtub nga ginlampusan sang 42-anyos nga social media personality sang kawayan ang ulo ni Magallanes.
Nag-suprer ang construction worker sang injuries sa iya nga ulo nga rason sang pag-file sini sang reklamo.#
