Proud kag malipayon si Department of Public Works and Highways (DPWH) Secretary Vince Dizon sa gintukod nga apat ka panalgan nga Building I sa College of Law (COL) sang West Visayas State University (WVSU).
Ginpakigbahin niya ini kadungan sang inagurasyon sang amo nga proyekto subong nga adlaw, Hunyo 5, nga ginpangunahan nanday President Ferdinand “Bongbong” Marcos, Jr. kag First Lady Louise Araneta-Marcos.
Magluwas sa mag-asawa nga Marcos kag kay Secretary Dizon, yara man sa inagurasyon ang University officials kag sanday Iloilo Governor Arthur Defensor Jr. kag Iloilo City Mayor Raisa Treñas.
Nagpatigayon man sila sang inspeksyon sa mga pasilidad kaangay sang moot court, mini auditorium, kag classrooms nga handa na nga gamiton sang mga law students. May yara man sang arbitration rooms, library, legal clinic, conference rooms, kag iban pa nga importante nga amenities.
Ginsuguran ini nga proyekto sang Marso 5, 2024 kasunod sang inisyatibo sang First Lady nga professor sa College of Law sa amo nga unibersidad.
Sa interview kay Secretary Dizon, ginpahayag sini nga nalipay gid siya sa kalidad sang building kag haluson siya gani makapati nga DPWH ang naghimo sini.
“Ang importante dito, ma-realize ng lahat na ganito yung klase ng infrastructure, ng facilities, that the Filipinos deserve,” suno sa tiglikom. “Hindi na yung substandard, hindi na yung pangit, yung sira-sira. I mean, people, especially the students here in WVSU and everywhere deserve facilities like this.”
Diri kag ginsal-ot sini kun ano ka importante nga wala sang kurapsyon sa gobyerno.
“Magagawa lang natin ito kung sigurado na ang pera natin ay hindi ninanakaw,” dugang niya. “Dahil kung ninanakaw, wala kang magagawa, talagang magiging substandard yan. ‘Pag maayos ang pagkakagawa, then, people will get what they deserve.”
May ikaduha pa nga building nga gina-target nga makumpleto sa pagtukod sa katapusan sang tuig ukon sa temprano nga bahin sang 2027.
Kada building suno sa tiglikom ang nagabalor sang P400-million apang mas nakakinot sila rason nga mas manubo sa P800-million ang ila nga nagasto.
Matandaan nga sang 2020 sang na-establisar ang WVSU College of Law kag amo ang una kag isahanon nga state university sa Western Visayas nga nagatanyag sang libre nga legal education.
Magluwas sa pagtambong sa inaurasyon, naghatag man si Marcos sang keynote message sa 3rd Commencement Exercises sang College of Law sa amo nga unibersidad.#
 sang WVSU.){kind=link}