Ginkumpirma sang Serbian tennis superstar nga si Novak Djokovic nga mapaidalom ini sa scans matapos naigo sang botelya sang tubig ang iya nga ulo nga nagresulta sa paglingin sini.
Ginpahayag ini sang 24-time Grand Slam winner matapos ang makakilibot nga resulta sang hampang sa Rome Open kun sa diin nalutos ini sa third round sa kamot sang Chilean nga si Alejandro Tabilo.
Kun madumduman, nagapirma si Djokovic sang autograph sang fans sang nagligad nga adlaw sang hinali nga naglagpok gid sa iya ulo ang isa ka suludlan sang tubig nga rason nga nagluhod gid ini kag nadugayan pa nga makabangon.
Gin-ako sini nga nagalingin-lingin ang iya ulo kag nagakadula ang iya balanse sa hampang sini batok kay Talibo.
“I don’t know, to be honest. I have to check that. Training was different. I was going for kind of easy training yesterday. I didn’t feel anything, but I also didn’t feel the same. Today under high stress, it was quite bad — not in terms of pain, but in terms of this balance. Just no coordination. Completely different player from what it was two nights ago,” pahayag ni Djokovic.
Ang sunod nga pagahandaan sini amo ang French Open sa Paris kun sa diin siya ang defending champion kag nagatuyo nga makadaog sang iya nga ika-25 na nga Grand Slam.
