Ginaproseso na sang Department of Migrant Workers (DMW) ang pagpauli sang bangkay sang Pilipino nga nagtaliwan bangud sa drone attack sang Houthi rebels sa Saudi Arabia subong nga bulan sang Oktubre.
Suno kay DMW Secretary Hans Cacdac, nagapakig-angot na sila sa employer sang biktima kag sa gobyerno sang Saudi Arabia.
Nahibaluan nga nagtaliwan ang amo nga Pilipino matapos ang pag-atake sa isa ka oil facility samtang natigayon naman nga napapauli ang halos 200 ka OFW nga gikan sa Riyadh sang Oktubre 19, sandig sa datos sang DMW.
Kaangot diri, ginpahanumdom naman ni Cacdac sa mga Pilipino nga maghulat sang abiso gikan sa embahada kun plano sang mga ini nga magkadto sa Saudi Arabia.
“Sa ngayon, wala tayong deployment ban for Saudi but having said that, mayroong advisory sa ating mga kababayan na i-check muna dahil malamang walang flights papuntang Riyadh. Kaya huwag munang tumuloy… Antabayanan na lang ang pagbubukas ng airport at sabay nito ‘yung advisory ng embahada rin natin,” pahayag ni Cacdac.
Sa karun, nagapanghatag naman sang bulig ang labor attaché sang Pilipinas para sa mga nabilin nga pamilya sang OFW kag wala naman sang iban pa nga na-report nga dugang nga biktima.
