ILOILO CITY- Nagpanawagan si Department of National Defense Sec. Delfin Lorenzana sa Beijing nga respetuhon ang Exclusive Economic Zone sang Pilipinas.
Ini matapos nasiplatan ang masobra sa 200 ka barko sang China sa Julian Felipe Reef sang Marso 7.
Sa interview sang Bombo Radyo Iloilo kay Lorenzana, iya ginpahayag nga maathag nga isa ka sahi sang pag-atake ang ginahimo sang Chinese militia boats.
Ginpasiguro naman ni Lorenzana nga himuon nila ang tanan agud protektahan ang mga Pinoy nga manugpangisda kag marine resources sang pungsod kag pagpabilin sang kalinong kag pagpanindugan sa ginaagawan nga teritoryo.
Ginkumpormihan naman ni Lorenzana ang ginahimo nga diplomatic protest ni Foreign Secretary Teodoro Locsin batok sa China.
Nagalaum naman si Lorenzana nga makapagwa sang statement ang Beijing tuhoy sa ginakabig probokasyon sang China sa Pilipinas.
