ILOILO CITY – Indi dapat mag-relax kag magkumpiyansa ang mga tawo sa Iloilo City apisar naganubo na ang numero sang COVID-19 cases.
Ini ang panugyan sang Iloilo City Government COVID-19 team kasunod sang narekord nga single-digit nga mga kaso sa syudad.
Sa interview sang Bombo Radyo kay Jeck Conlu, COVID-19 team spokesperson sang syudad, iya ginpahayag nga tayuyon sa gihapon ang mabaskog nga kampanya kag gin-tunga tunga na ang mga responsibilidad sa mga barangay officials agud matutukan ang pagtapna sa transmission sang virus.
Ang pagnubo sang mga kaso suno sa iya ang tuga sang nauna na nga mga interventions kaangay sang surgical lockdowns.
