Ginapahayag sang Department of Energy nga ang mga Local Government Unit sa probinsya sang Iloilo ang isa sa mga mayor nga rason kun ngaa nabudlayan sila magpatuman sang ila renewable energy projects.
Sa statement ni Lourdes S. Arciaga, Chief Science Research Specialist sang Department of Energy, ginpahayag sini nga may yara na sang plano para sa wind turbine project sa Iloilo, apang sa tuig 2050 pa ini nakaplano nga umpishan.
Ginpangayo sang publiko nga kun posible, sa masunod lang nga 10 ka tuig ini maipatuman.
Suno kay Arciaga, indi problema ang pondo, kundi ang pagpamalabag sang LGU, ilabi na kun wala naga-uyon ang current kag previous nga administrasyon sang isa ka lugar, amo ang kabangdanan nga nadelay ang proyekto.
Reported by: Bombo Lyka Sandiego Via Zona Libre
