Ginpasiguro sang Department of Energy (DOE) kaupod ang National Electrification Administration, National Power Corporation, mga electric cooperative, kag oil industry partners ang madasig nga pagbalik sang kuryente sa probinsya sang Masbate nga tuman nga naapektuhan sang bagyo Opong.
Suno sa DOE, nag-deploy na sila sang 40 ka Task Force Kapatid teams halin sa nagkalain-lain nga rehiyon, gamit ang bulig sang Philippine Navy kag Philippine Ports Authority para sa madasig nga transportasyon sa mga apektado nga lugar.
Kaupod ang Office of Civil Defense Region V kag mga electric cooperatives nga ginapunto sang ahensya ang paghatag sang mga generator sets para sa mga lugar nga nadulaan sang kuryente.
Nakahanda man ang National Power Corporation sang mga generator para sa mga ospital agud masiguro ang padayon nga operasyon sang mga ini.
