Gin-anunsyo sang Department of Energy (DOE) nga ginapaabot liwat ang pagsaka sang presyo sang mga produktong petrolyo sa sini nga semana.
Ini kasunod sang fuel price adjustments bangud sang nagapadayon nga tensyon sa tunga sang Iran, United States, kag Israel.
Para sa Marso 17 tubtub 23, 2026, amo ini ang ginaproject nga presyo sang mga produktong petrolyo:
Gasolina: magasaka sang ₱12.90 tubtub ₱16.60 kada litro
Diesel: magasaka sang ₱20.40 tubtub ₱23.90 kada litro
Kerosene: magasaka sang ₱6.90 tubtub ₱8.90 kada litro
Bangud sa sini nga sunod-sunod nga pagtaas sang presyo sang produktong petrolyo, nagpahanumdom ang Department of Energy sa publiko nga magplano sang maayo sa ila pagbiyahe kag paggamit sang petrolyo agud malikawan ang sobra nga gasto.
