Nagapanindugan si Department of Energy Secretary Alfonso Cusi nga ginahimo niya ang iya katungdanan sa pagsolbar sang power situation sang Luzon matapos siya ginlaslasan ni Senator Manny Pacquiao bangud sa ginaalegar paghatag sang prayoridad sa pulitika kasunod sang ginpatigayon nga meeting sang Partido Demokratiko Pilipino–Lakas ng Bayan (PDP Laban).
Suno kay Cusi, nakahibalo siya sang iya mga responsibilidad kag ginahimo niya ang iya masarangan agud indi mag-antus ang mga Filipino sa power interruption nga nagakatabo.
Masubo pahayag niya nga naghalin pa mismo sa iya nga kaupod sa partido ang mga tinaga nga ginpangbuy-an.
Dugang pa sang natungdan, indi buot silingon nga ginapabay-an niya ang iya trabaho bagud indi lang siya ang tawo nga nagadumala sang ahensya kag ginasaligan niya ang iya nga team sa pagsolbar sang sitwasyon kaangay sang brownouts.
