Tuyo sang Department of Energy (DOE) nga makaengganyo sang ‘prospective business partnerships’ para sa gina- target nga rollout sang nuclear power projects sa Pilipinas.
Kadungan ini sang pag-host sang pungsod sang International Nuclear Supply Chain Forum sa Manila sa Nobyembre.
Ini nga event ang magatipon sang investors kag stakeholders sa nuclear power developments gikan sa United States, Canada, European countries, amo man ang Japan, South Korea China, kag iban pa nga mga pungsod.
Nahibaluan nga ginpapag-on pa sang DOE ang Philippine nuclear roadmap sang damlag lang sang ginpresentar ini ni Energy Undersecretary Sharon Garin sa 68th International Atomic Energy Agency (IAEA) General Conference sa Vienna, Austria.
Suno sa energy official, ini nga ambisyon ang ginatan-aw nga matuman sa 2032.
Sa pagbanta sang gobyerno, ang inisyal nga entry sang nuclear sa power mix ang yara sa 1,200MW sa 2032 kag pasaka sa 4,800MW sa 2050.
