Ginapreparahan na sang Department of Finance (DOF) ang fiscal consolidation proposal nga magpasaka sang tax agud nga mabayaran ang mga utang sang Pilipinas.
Suno kay Finance Secretary Carlos Dominguez III, ang proposal ang gina-ekspektar nga magdala sang revenue agud nga mabayaran sang Pilipinas ang utang nga gingamit sa COVID-19 response.
Sa pinakaulihi nga data sang DOF, nagsaka sa kabug-usan nga $22.55 billion ukon ginabanta P1.2 trillion ang budgetary support financing sang Pilipinas as of January 14, 2022.
Ini ang nagalakip man sang agreement sa tunga sang Asian Development Bank, World Bank, Asian Infrastructure Investment Bank, Agence Française de Développement, Japan International Cooperation Agency, Bank of Korea Economic Development Co-operation Fund, kag ang foreign currency denominated global bonds.
Sa pagpamuno ni Dominguez, nasuguran nga na-implementar sa idalom sang Duterte administration ang mga tax reform program kaangay sang Tax Reform for Acceleration and Inclusion (TRAIN), kag ang Corporate Recovery and Tax Incentives for Enterprises (CREATE).
