Iloilo City – Target sang Iloilo Provincial Veterinary Office nga mabakunahan ang 70% nga dog population probinsya sang Iloilo sa Abril 30, 2023.
Sa interview sang Bombo Radyo kay Dr. Darel Tabuada, Provincial veterinarian, iya ginpahayag nga nag-umpisa na subong nga Pebrero ang pagpangbakuna sa mga ido kag ginalantaw nga ma-develop ang herd immunity sa sulod sang tatlo ka bulan.
Suno kay Dr. Tabuada, ang unahon sa pagbakuna amo ang mga layaw nga ido.
Antes pa ang man ang scheduled vaccination, dapat nga pahibaluon na ang komunidad agud nga matigayon nga mahigtan ang layaw nga ido kag mabakunahan bangud sila ang prone nga magdala sang rabies sa komunidad.
Pahayag ni Tabuada, may yara sang Barangay kag Municipal Rabies Control Committee nga amo ang magabuligay sa pagpatigayon sang vaccination.
Kabug-usan nga 20,150 vials ang nahatag na sang Provincial Veterinary Office sa tanan nga banwa sa diin mabakunahan sini ang 201,500 ka mga ido.
Nahibaluan nga nagpain sang P8 million nga pondo ang Iloilo Provincial Government para sa pagbakal sang bakuna.
