𝗜𝗟𝗢𝗜𝗟𝗢 — Ginalantaw sang Department of Health (DOH) Region 6 ang mga Animal Bite Treatment Center sa Western Visayas nga may manubo nga numero sang anti-rabies vaccine.
Ini kasunod man sang report nga ginakulang na ang rabbies vaccine bangud sa pagtaas sang mga insidente sang mga nakagat sang ido.
Sa interview sang Bombo Radyo kay Dr. Adriano Suba-an, Regional Director sang Department of Health Western Visayas, iya ginpahayag nga ginalantaw nga solusyon amo ang bakunahan ang mabukanahan ang indi magnubo sa 3/4 sang populasyon sang mga ido sa Iloilo.
Suno kay Suba-an, gina-establisyar man ang target sang ahensya nga ma-cover sang tagsa ka Animal Bite Treatment Center ang indi magnubo sa 300,000 ka mga indibidwal.
Ginpahayag man sini nagapatuman na sang training sa mga centers agud maduso ang tikang kaangot sa anti-rabies vaccine.
Nagpasalig man ang natungdan nga unahon hatagan sang dugang nga anti-rabies vaccine ang mga centers nga matigayon ma-identify nga may manubo nga bakuna.
