ILOILO CITY– Padayun ang contact tracing sang Department of Health sa mga naka-angkon sang close contact sa mag-asawa nga nagpositibo sa Coronavirus Disease 2019 (COVID-19) sa Pavia, Iloilo.
Ini ang kasunod sang pagguwa sang listahan sang mga ginapahayag naka-angkon sang close contact sa mag-asawa.
Sa interview sang Bombo Radyo kay Dr. May Ann Sta. Lucia, tagpamaba sang Department of Health 6, iya ginpahayag nga subong, nagabulig sa pagpatigayon sang contact tracing ang Local Government Unit sang Pavia.
Suno kay Lucia, sa bahin sang Department of Health 6, wala sila nakapaguwa sang listahan bangud nga padayon pa ang contact tracing.
Kun tani suno sa natungdan, ilikawan ang pagpalapta sang sala nga impormasyon sa social media kag sa baylo, hulaton ang pahayag sang Department of Health.
Hibaluon man nila suno kay Sta. Lucia kun bala, may paglapas sa data privacy act bangud sa pag post sang listahan sa social media.
