𝗜𝗟𝗢𝗜𝗟𝗢 —Ginaprayoridad subong sang Department of Health (DOH) Region 6 ang surveillance sa rehiyon agud nga ma-detect ang mpox ukon monkey pox nga balatian.
Sa interview sang Bombo Radyo kay Dr. Bea Camille Natalaray, Program Medical Coordinator for Emerging and Re-emerging Infectious Disease Cluster, DOH Region 6, iya ginpahayag nga magapadayon ang awareness kag advocacy campaign sang ahensya sa social media agud nga ma-edukar ang mga residente nahanungod sa mpox.
Suno kay Natalaray, nagakoordinar man sila sa health promotion unit agud nga mapasangkad ang awareness kag advocacy campaign.
Ginpahayag man sini nga may available naman nga mga logistics kon kinahanglanon sang mga ospital kag kon ma-detect nga positibo sa amo nga balatian.
Gin-athag man sini nga ready ang tanan nga personal protective equipment ukon PPE sang ahensya kon kinahanglanon sang health facilities.
Gintumod man sang natungdan nga handa ang epidemiology and surveillance unit sang ahensya nga mag-remind sa mga sa provincial kag municipal level nga health facilities nga bantayan ang mga nagapakonsulta.
