𝗪𝗘𝗦𝗧𝗘𝗥𝗡 𝗩𝗜𝗦𝗔𝗬𝗔𝗦 —Naglab-ot na sa siyam ang na-record sang Department of Health Western Visayas Center for Health and Development (DOH WV CHD) nga napatay bangud kagat sang ido kag kuring.
Sa interview sang Bombo Radyo kay Ma. Ame Liz Mardoquio, Program Manager sang Rabies Program sang nasambit nga ahensya, iya ginpahayag nga may yara na sang 53,919 ka mga kaso sang animal bite sa first quarter sang 2024.
Suno kay Madoquio, mapanubo ang numero ang kaso sang mga ginkagat sang ido ukon kuring kon ang tag-iya ang mangin responsible sa pagtatap kag pagpabakuna sa kasapatan.
Ginpahayag man sini nga nga kun makagat sang ido ukon kuring, gilayon magpahibalo agud nga mapabakunahan kag malikawan ang rabies death.
Santo sa datos sang ahensya,nagaguwa nga sang 2023, may yara sang 27 ka human rabies deaths sa Western Visayas, kon sa diin, 12 diri ang stray animals kag 15 ang domesticated.
Nagpanugyan naman ang ahensya sa mga nagapanag-iya sang ido kag kuring nga atipanon sang maayo agud nga indi na magtaas ang kaso sang mga nakagat sa rehiyon.
