ILOILO CITY- Nagpahanumdom ang Department of Health Region 6 angot sa pagpatigayon sang mass gatherings kadungan sang pagselebrar sang Paskwa.
Sa interview sang Bombo Radyo kay Dr. Marie Jocelyn Te sang Department of Health Western Visayas Center for Health Development Meedical Offcier IV kag COVID-19 spokesperson, iya ginpahayag nga mas maayo nga mga myembro sang isa ka panimalay nalang ang magapatigayon sang selebrasyon.
Suno kay Te, kun indi gid man malikawan ang pagtililipon, mas maayo nga nagasunod gid sa minimum health protocols.
Dugang pa ni Te, mas maayo nga yara sa isa ka open venue ang mga pagtililipon agud nga indi madali-dali ang transmission kun may yara gid man.
Nagpanugyan man si Te sa mga mahilig magbyahe kun holiday season nga likawan ang magpadulong sa mga lugar nga may mas mataas nga quarantine status.
