ILOILO CITY- Mas nagapangibabaw na subong ang vaccine willingness kun ipaanggid sa vaccine hesitancy may kaangtanan sa pagpangbakuna sa mga bata nga nagaedad 5-11 anyos.
Sa interview sang Bombo Radyo kay Department of Health Region 6 Director Adriano Subaan, iya ginpahayag nga madamo na sang mga may luyag nga magpabakuna subong bangud nga nabuhinan na man ang mga pagpangduha- duha sang iban.
Suno kay Subaan, ini bangud nga mas informed sa mga benepisyo kag importansya sang bakuna kontra COVID- 19.
Pahayag ni Subaan, kun basehan ang global data, sa mga kabataan nga ginpangbakunahan, yara .0013 percent lang ang nakabatyag sang serious side effect apang naka- recover naman kag wala man sang may napatay.
Dugang niya, mangin sa 12 to 17 anyos nga age group nga ginbakunahan sa Pilipinas, 99% sa ila ang wala man sang may nabatyagan nga side effect matapos makabaton sang bakuna.
