ILOILO CITY – Personal nga ginbisitahan ni Department of Health (DoH) Secretary Paulyn Jean Ubial ang Western Visayas Medical Center (WVMC).
Ini kasunod sang ginapangatubang nga kontrobersiya sang nasambit nga ospital nga eksklusibo ginatalakay sang Bombo Radyo.
Sa pagpadulong ni Ubial sa Western Visayas Medical Center, madamo ini sang mga namutikan nga problema kaangay sang overcrowded nga mga ward kag wala matapos nga mga building.
Suno kay Ubial, nasubuan ini sa sitwasyon sa nasambit nga ospital bangud magluwas sa mga gubaon nga facilities, madamo man sang mga corruption issues nga ginapangatubang ang mga medical staff.