Gin-athag sang Department of Health (DOH) nga indi pa manug-expire ang reverse transcription polymerase chain reaction (RT-PCR) test kits nga ila ginbakal pinaagi sa Procurement Service – Department of Budget and Management (PS-DBM).
Una na ginkumpirma ni DOH Secretary Francisco Duque III nga nakabaton ang ahensya sang P600 Million nga balor sang RT-PCR test kits nga ginapahayag anom ka bulan na lang ang nabilin kag ma-expire na bisan pa ang orihinal nga request sang ahensya amo ang 12 to 14 month shelf life nga test kits.
Suno kay Health Assistant Secretary Atty. Charade Mercado-Grande, sang 2020 lang gin-develop ang nasambit nga test kits nga ginagamit subong agud ma-detect ang virus kag anom ka bulan ang shelf life sini.
“The test kits used to detect the virus were only developed in the early months of 2020. Back then, real-time RT-PCR test kits that were available in the market had a shelf life of only 6 months,” pahayag ni Grande.
Ini ang rason suno sa natungdan kun ngaa indi makabig nga manug-expire ang RT-PCR test kits nga ila ginbakal halin sa Pharmally Pharmaceutical Incorporated.
Pahayag ni Grande, nahangpan nila nga manubo ang shelf-life situation sang RT-PCR test kits apang ginbaton sa gihapon nila ang mga nag-abot nga deliveries agud marespondehan sang pungsod ang pagkinahanglan sang mga Filipino sa kasagsagan sang pandemya sang nagligad nga tuig.
“That was the standard shelf life of those novel diagnostic test kits at the time [2020]. Additionally, test kits are fast-moving stocks that have to be used immediately since we are in a pandemic. Our COVID-19 laboratories were able to test our kababayan using these procured test kits,” dugang pa niya.
