ILOILO CITY- Hugot nga ginabalabagan ni Department of Health Secretary Francisco Duque III ang panawagan nga pagpahalog sang pila ka health protocols sang Commission on Elections para sa in-person campaigning sa tunga sang COVID-19 pandemic.
Ini angot sa apela sang political parties nga tugutan ang shaking hands, pag-selfie, kag beso-beso sa campaign rallies.
Suno kay Duque, mas maayo sa gihapon nga indi tuman ka lapitanay ang tawo kag kinahanglan nga nagasuksok sang face mask.
Gin-engganyo man sang publiko nga ikonsiderar ang ila safety.
Una na nga nagpangabay ang pila ka kampo sang mga kandidato sa COMELEC nga mag- adjust sang restrictions sa in-person campaigning.
Kahapon sang ginpahayag sang poll body nga bukas ini sa pag- review sang guidelines.
Suno kay Acting Comelec Chairman Socorro Inting, ang rules kampanya ang naka-base man sa Inter-Agency Task Force for the Management of Emerging Infectious Disease guidelines.
