Ginaimbestigaran na sang Department of Health (DOH) ang pila ka mga reklamo batok sa chief sang Western Visayas Medical Center (WVMC).
Suno kay DOH Assistant Secretary Albert Domingo, ginausisa nila ang mga alegasyon batok kay Dr. Joseph Dean Nicolo.
Si Nicolo ang sayluhon kuntani sa isa ka ospital sa Zamboanga apang ginbawi man ni DOH Secretary Ted Herbosa ang amo nga mando.
Suno kay Domingo, may ginasunod sila nga nagakaigo nga proseso sa pag-imbestigar kay Nicolo.
Una diri, naglupok ang isyu nga isa ka babaye nga mamalidha amo ang sa likod sang plano nga kakson si Nicolo sa WVMC kag sayluhon sa Zamboanga.
Ini nga mamalidha ang ginaalegar nga nagpangayo sang P50 million nga kickbacks gikan sa mga proyekto sa WVMC paagi sa paggamit sang pangalan sang hospital chief.
Apang, santo sa impormasyon, namalibad si Dr. Nicolo nga magpasugot sa ginahingyo sang amo nga opisyal.
Kasunod sang isyu, mansigpanginwala man ang mga Ilongga solons nga sila ang sa likod sang tuyo nga pagpahalin kay Nicolo.
Ini amo sanday Rep. Janette Garin (1st District), Rep. Kathy Gorriceta (2nd District), Rep. Binky Tupas (4th District, kag Rep. Julienne Baronda (Iloilo City Lone District).
Nagpabutyag naman sang suporta kay Nicolo si former Iloilo City Mayor Jerry Treñas.
Nahibaluan nga may mga reklamo batok kay Nicolo sa Office of the Ombudsman kag sa Civil Service Commission (CSC) bangud sa ginaalegar nga paglapas sa Anti-Graft and Corrupt Practices Act.
Gin-alegar nga gin-overprice man ni Nicolo ang pagkay-o sang daan nga DOH-6 regional office nga tupad lang sang WVMC sa balor nga P78 million.
 ang pila ka mga reklamo batok sa chief sang Western Visayas Medical Center (WVMC).){kind=link}