Handa ang Department of Health (DOH) nga mag-obra sang formal clinical trial para sa bulong nga Ivermectin agud gamiton sa mga pasyente nga may COVID-19.
Suno kay Health Undersecretary Maria Rosario Vergeire, may mga pila ka mga opisyal sang DOH ang nagaduso sa Kamara agud magamit bilang dugang nga therapeutics ukon bulong sang COVID-19 patients ang Ivermectin.
Pahayag ni Vergeire, may mga pagtuon na nga ginhimo may kaangtanan sa Ivermectin ang local experts nga ginabug-usan sang Clinical Practice Guidelines (CPG) group.
Santo sa website sang Philippine Society for Microbiology and Infectious Diseases (PSMID), ang CPG group ang ginalakipan sang DOH, Philippine College of Physicians, kag nanuhay-tuhay nga medical nga grupo.
Samtang, una na nga ginpahayag sang Food and Drug Administration (FDA) nga wala pa sang may naka-rehistro nga Ivermectin drugs sa Pilipinas nga pwede gamiton sa tawo.
Suno kay FDA director general Eric Domingo, sa subong, ang rehistrado pa lang nga Ivermectin amo ang “for parasitic use” sa diin ini ang para lamang sa mga kasapatan.
