DOH, indi pa maka-hire sang contact tracers apisar gintumod sang WHO ang Pilipinas nga may mahinay nga contact tracing

Indi pa maka hire sang dugang nga contact tacers ang Department of Health.

Suno kay Department of Health Undersecretary Maria Rosario Vergeire, halos tanan nga local government units sa pungsod ang maka-trace man sang 80% ka mga tawo nga naka close encounter sang mga COVID-19 positive.

Dugang pa sang natungdan, bastante pa ang contact tracers sang pungsod apisar nga makabulig man tani kun ini ang madugangan.

Apang pahayag ni Vergeire, indi mangin bastante ang pondo sang ahensya kun mag hire pa sang dugang nga tawo.

As of June 21, may yara na sang 52,794 nga mga contact tracers sa Pilipinas.

Nahibaluan nga gintumod sang World Health Organization (WHO) ang Pilipinas nga may mahinay nga proseso sang contact tracing.