Nagpahanumdom ang Department of Health kag ang Iloilo City Health Office sa publiko nga maglikaw sa paggamit sang palupok sa pagsaulog sang bag-ong tuig.
Sa interview sang Bombo Radyo kay Darianne Joy Papa, Nurse II sang Health Emergency Management sang City Health Office, iya ginpahayag nga masami nagasaka ang trend sang firecracker related incident sa bulan sang Disyembre.
Suno kay Papa, mas nagasaka pagid ang numero sa imbukada nga adlaw sang Enero kon sa diin, kalabanan sa mga nabalhag sang nagligad nga tuig amo ang ‘burned’ ukon nasunog bangud sa palupok.
Nagpanugyan man ang natungdan sa publiko ilabi na sa mga kabataan nga likawan ang magpamulot-pulot sang mga palupok nga makit-an sa dalan kag ugsaran bangud posible pa ini nga maglupok.
