DOH maggamit naman sang panibag-o nga pamaagi sa pag-report sang COVID-19 cases

May yara sang gina-develop nga panibag-o nga format sa pag report sang bag-o nga COVID-19 infections ang Department of Health.

Suno kay Department of Health Undersecretary Maria Rosario Vergeire, mahimo sa masunod nga semana ipaguwa na sang ahensya ang bag-o nga format sa diin indi na paggamiton ang late kag fresh cases sa baylo mapaguwa na lang ang Department of Health sang dugang nga kaso kada adlaw.

Sang bulan sang Mayo, gin-islan man sang Department of Health ang reporting method sa numero sang mga kumpirmado nga kaso sa “fresh” kag “late.

Paathag ni Vergeire, ang pag-ilis sang reporting of cases ang ginhimo sang ahensya agud malikawan ang pagtuga sang kakugmat sa tion nga magpaguwa sang mataas nga numero sang bag-o nga kaso ang DOH.

Nagpangabay man ang natungdan sa publiko nga hangpon ang ahensya sa pag-ilis sang reporting method sa COVID-19 cases.