Nagahanda na ang Department of Health sa posible nga pagtaas sang kaso sang COVID-19 samtang nagahilapit na ang holiday season sa diin ang mga Filipino ang nagapauli sa ila mga probinsya agud nga maupod ang ila pamilya sa adlaw sang paskwa.
Suno kay Department of Health Sec. Francisco Duque III, mahimo ang ahensya sang contingency plan nga magamandu sa mga health authorities kag iban nga ospiyal nga mag responde sa tion nga may yara sang “post holiday season surge” sang COVID-19 infections.
Ginpahanumdom man ni Duque sa publiko nga apisar padayon nga naganubo ang kaso sang virus sa pungsod, indi ini rason nga mangin kampante ang tanan.
Ipatuman man sang ahensya ang Department Circular 2020-0355 ukon ang “Reiteration of the Minimum Public Health Standards for COVID-19 Mitigation” subong nga holidays agud nga i-remind ang mga Filipino nga ipadayon ang pag obserba sang anti-coronavirus policies kaangay sang physical distancng, pagsuksok sang face masks kag face shields kag regular nga paghugas sang kamot.
Sa idalom sang circular, ang mga holiday activities kaangay sang caroling, shopping sa matawo nga lugar, indoor gathering nga may madamo sang tawo, pagsakay sa mga nagaginutok nga pampubliko nga salakyan kag iban pa nga naga-involve sang physical contact ang ginadumilian.
Nagpangayo man sang bulig si Duque sa iban nga mga ahensya sang gobyerno kaangay sang Department of Interior and Local Government, Department of Transportation, kag local government units nga i-implementar ang nasambit nga circular.
