ILOILO – Nagpaandam ang Department of Health sa mga tagdumalahan sang mga hospital sa syudad kag probinsya sang Iloilo tuhoy sa diskriminasyon sa pagbaton sang pasyente nga may yara sang Dengue Hemorrhagic Fever.
Sa interview sang Bombo Radyo kay Department of Health 6 Regional Director Dr. Marlyn Convocar, iya ginpahayag nga dapat wala sang diskriminasyon sa pagbaton sang pasyente.
May kaangtanan diri, ginpahayag ni Convocar nga magapaguwa sang memorandum ang Department of Health nga nagamandu tuhoy sa nagakaigo nga referral sang mga pasyente.
Ang pasyente nga indi masarangan bulngon sa mga rural health centers ang kinahanglan nga sayluhon sa district hospital.
Kun indi naman masarangan nga bulngon sa district hospital, nagakinahanglan nga sayluhon ang Dengue patient sa mga tertiary hospital.
