Nagalaom ang Department of Health (DOH) nga magataas pa ang numero sang kumpirmado nga kaso sang Coronavirus Disease 2019 (COVID-19) sa Pilipinas samtang ginapahalogan ang restrictions bangud sa amat-amat nga pagbukas kag pagbalik sang ekonomiya.
Suno kay Department of Health Undersecretary Maria Rosario Vergeire, may mga kaso sang COVID-19 nga madugang sa pungsod bangud gin-pahalogan na ang community restrictions kag padayon nga nagataas ang testing capacity.
Nahibaluan nga ang Metro Manila kag iban nga bahin sang Luzon ang naga amat-amat na bukas sang ila ekonomiya sang ginpa-idalom ini sa general community quarantine sang Hunyo 1.
Buot silingon, madamo nga mga negosyo ang ginpahanugutan na nga magbukas kag madamo na sang mga mamumugon ang nakabalik sa trabaho.
