Nagpahanumdom ang Department of Health (DOH) sa tanan nga halungan ang ikaayong lawas samtang nagasaulog sang holiday season.
Sa interview sang Bombo Radyo kay Dr. Rodney Labis, Head sang Health Service Delivery Division sang Iloilo Provincial Health Office, iya ginpahayag nga nagakadapat nga maglikaw sa “holiday heart syndrome,” nga isa ka kondisyon nga mahimo magresulta sa mga seryoso nga isyu sa ikaayong lawas kaangay sang stroke, ilabi na kun ang mga indibidwal ang nagapanagusto lang sa pagsinadya kag pagkaon.
Agud malikawan ang kaangay nga komplikasyon sa ikaayong lawas, nagapadapat nga magpabilin nga healthy pinaagi sa insakto nga pagkaon, regular nga ehersisyo, kag disiplina.
Magluwas diri, ginpahanumdom man sang ahensya sa publiko nga maghalong sa pagbyahe.
Isa man sa mga dapat nga tandaan amo nga kun may insakto nga battery, suga, oil, gas, kag tubig kag kun nagagana sang insakto ang brake, makina, kag royda sang mga salakyan.
Nagakadapat man nga likawan ang magmaneho kung hubog kag kapoy agud indi maaksidente.
Likawan man suno sa natungdan ang mag-cellphone kag mag-text kung nagamaneho.
