Nagpanugyan ang pamunuan sang Department of Health sa publiko nga maghalong sa mga balatian nga nagalapta sa tion sang tig-ululan.
Ginhimo sang ahensya ang panawagan kasunod sang narekord nga pagsaka sang kaso sang mga balatian nga nakuha sa tion sang tig-ululan sa pungsod.
Suno sa ahensya, magpraktis sang katinlo agud malikawan ang balatian.
Nakilala sang DOH ang mga balatian kaangay sang W.I.L.D diseases ukon water and foodborne diseases, Influenza-like illnesses, Leptospirosis, kag Dengue.
Base sa datus sang ahensya, naglab-ot na sa 9,995 ang narecord nga kaso sang influenza-like illnesses sa pungsod para sa sini nga bulan.
Sa amo man nga tion, may yara sang pagtaas sang kaso sang Leptospirosis, nga naglab-ot sa 422 ka kaso, katumbas sa 8% nga pagtaas.
Mas mataas ini kun ipaanggid sa narekord nga kaso sang nagligad nga tuig nga naglab-ot lamang sa 392 ka kaso.
Samtang, naglab-ot naman sa 28,234 ang narecord nga kaso sang dengue humalin sang una nga adlaw sang Pebrero, katumbas sang 40% nga pagtaas.
Nagapanawagan man ang DOH sa publiko nga gilayon nga magpakonsulta sa doktor sa tion nga makabatyag sang sintomas sang nasambit nga mga balatian.
