DOH, napaslawan nga magpaguwa sang daily tally sang COVID-19 case sa Pilipinas

Napaslawan ang Department of Health nga mag paguwa sang daily tally sang kaso sang Coronavirus Disease 2019 (COVID-19) sa Pilipinas.

Gin-anunsyar sang ahensya nga mahimo 8:00 sa aga pa subong nga adlaw, Hulyo 13 ipaguwa ang case updates.

Suno sa DOH, bangud sa kadamuon sang data nga natipon, padayon pa nga gina-proseso sang DOH Data Team ang pag-validate sang numero sang mga nagpositibo sa COVID-19 nga kuntani napaguwa na kahapon, Hulyo 12.

Dugang pa sang ahensya, laoman nga mataas ang numero sang kaso sang COVID-19 amo man sa mga naka-recover kag mga nagtaliwan.

Nahibaluan nga masami nagapaguwa sang case updates ang Department of Health kada 4:00 sang hapon.