Nakaangkon sang pinakamataas nga disapproval rating ang Department of Health ipaanggid sa mga ahensya sang gobyerno sa Pilipinas.
Ini ang nagguwa nga resulta sa Pahayag SONA Survey sang Publicus Asia nga ginpatigayon sang Agosto 1 tubtob 11, 2020 sa 1,500 ka tawo.
Suno kay Department of Health Undersecretary Maria Rosario Vergeire, kun ano man ang nagguwa nga result sa survey, ini ang magaserbe nga giya apang padayunon sa gihapon sang ahensya ang ila trabaho kag paghatag sang health services sa mga Pilipino.
Nakakuha sang 35.1% disapproval rate ang Department of Health.
Sa survey, nagapakita man nga ang Department of Education kag House of Representatives ang lunsay nakakuha sang 32.2% nga disapproval rate.
Matandaan nga ang Departent of Health ilabi na si Sec. Francisco Duque III ang nakabaton sang mga pagpakamalaot bangud sa mga pamaagi sa pag-responde sa pandemya.
