𝗜𝗟𝗢𝗜𝗟𝗢 — Ginaplano sang Department of Health Western Visayas Center for Health and Development (DOH WV CHD) nga magtukod sang madamo nga Bagong Urgent Care and Abulatory Services (BUCAS) Center sa Western Visayas.
Sa interview sang Bombo Radyo kay Dr. Adriano Suba-an, regional director sang Department of Health Western Visayas Center for Health and Development (DOH WV CHD), iya ginpahayag nga sa subong, may yara sang duha ka BUCAS Center ang naga-operate sa isa ka mall kag sa Western Visayas Medical Center (WVMC) sa Mandurriao.
Suno kay Suba-an, ang pagatukuron nga BUCAS Center ang may tuyo nga maghatag sang healthcare services kag ancillary services sa mga Filipino paagi sa barangay health centers kag higher-level hospitals.
Ginpahayag man sini nga nagakoordinar na sila sa central kag regional office agud nga mapondohan ang konstruksyon sang health facilities.
Nahibaluan nga ang Bacolod City Government ang nagdonar sang duta agud pahamtangan sang pagatukuron nga pasilidad.
Ginalantaw man nga patindugan sang BUCAS Center ang Aklan kag ang kontrobersyal nga San Joaquin Mother and Child Hospital.
