ILOILO CITY – Wala sang formal complaint nga nabaton ang Department of Health Region 6 may kaangtanan sa reklamo sang pamilya sang COVID-19 positive nga iloy nga nagbata sa St. Therese MTCC Hospital nga nagaserbe nga quarantine facility sa syudad sang Iloilo.
Ini ang gin-athag sa Bombo Radyo ni Dr. Jessie Glen Alonsabe, pinuno sang Regional Epidemiology and Surveillance Unit sang Department of Health Region 6.
Suno kay Alonsabe, may yara sang disciplinary action ang ahensya sa mga hospital nga nagapabaya sa ila pasyente.
Ginpahayag ni Alonsabe nga matigayon lamang ang motu propio investigation kun may yara sang legal nga basehan kag indi lamang hearsay ukon huring-huring.
Sa bahin sang reklamo batok sa St. Therese MTCC Hospital, ginpahayag sang natungdan nga mas makapaayo kun may yara sang konsultasyon kag ini ang nakadepende sa pamunu-an sang Department of Health.
