ILOILO CITY- Ginkalipay ni Department of Health Secretary Francisco Duque III ang madinalag-on nga prevention kontra Dengue Hemorrhagic Fever nga ginahimo sang local chief executives sa syudad kag probinsya sang Iloilo.
Ini ang ginpahayag ni Sec. Duque kadungan sang pagbisita niya sa Iloilo.
Sa interview sang Bombo Radyo kay Iloilo City Lone District Cong. Jamjam Baronda, iya ginpahayag nga nagpanugyan si Sec. Duque nga kinahanglan nga mangin preparado ang tagsa-tagsa bangud nga ‘prevention is better than cure’.
Nagsulat naman siya suno kay Baronda kay Sec. Duque tuhoy sa rekomendasyon nga pagsuspinde sang klase agud matinluan ang mga eskwelahan.
Iya na nga natapos ang rekomendasyon agud isuspinde sang klase bangud nga santo sa data, nagtaas ang kaso sang Dengue subong nga 2019 ipaanggid sang tuig 2018.
Nakita man niya suno kay Baronda nga 61% sang gindapuan sang Dengue ang halos mga kabataan.
Nagalaom man si Baronda nga mahatagan sang tiglikum sang igtalupangod ang iya rekomendasyon.
Handa man suno sa natungdan nga maghatag sang technical kag medical assistance nga kinahanglanon sang Western Visayas ang pamunuan sang Department of Health.
