Gindayaw naman ni Presidente Rodrigo Duterte si Department of Health (DOH) Secretary Francisco Duque III sa pagpanguna sa pagpakig-away batok sa COVID-19 pandemic.
Suno kay Duterte, pat-od nga indi malipatan sang mga Filipino ang maayo nga hinimuan kag sakripisyo ni Duque para sa pungsod.
“That you have done good sa trabaho mo, and the Filipino will never forget that,” pahayag sang presidente.
“It’s a sacrifice, really, for you to continue doing it, and I had to ask you several times to stay on the job because we need you.”
Nahibaluan nga makapila gin-reject sang presidente ang panawagan sang publiko nga pahalinon sa trabaho ang tiglikom bangud sa ginkaulamiran nga P15-billion corruption batok sa medical state insurer nga PhilHealth.
Nagpamalibad man si Duterte nga pahalinon si Duque sa trabaho sa pihak sang ginapahayag kwestyonable nga paggasto sang Department of Health sang P67 billion nga pondo nga ginpain para sa COVID-19 crisis.
Una na nga nakitaan sang Commission on Audit sang “deficiencies” ang paggamit sang amo nga pondo bangud sa kulang nga documentation sa liquidations.
Sang amo nga tion, gindepensahan ni Duterte si Duque kag ginpahayag niya nga wala sang rason agud nga pahalinon niya ini sa itrabaho.
