Plano sang Department of Health nga magpatuman sang “population protection” batok sa COVID-19 sa baylo nga “herd immunity.”
Suno kay Health Undersecretary Myrna Cabotaje, nga amo ang chairperson sang National Vaccinations Operations Center, sa baylo nga herd immunity, gin-ilisan na nila ang ila plano sa diin target nila nga matuman ini tubtub sa katapusan sang tuig.
“We are shifting to the term ‘population protection’ through mass immunization kasi po iyong ating herd immunity, marami pong mga kaakibat na mga criteria,” pahayag ni Cabotaje.
“We are considering the variant,” dugang pa sang natungdan.
“Herd immunity” usually refers to continuous protection, pahayag ni Cabotaje.
Sa subong suno sa health experts, indi pa masigurado kun bala kinahanglanon ukon indi ang booster shots agud mapabilin ang pagka-epektibo sang bakuna kag kun bala ang bakuna ang makabato sa bag-o nga COVID-19 variants.
Una na nga ginpahayag sang Malacañang nga target sang gobyerno ang “population protection” sa Nobyembre 27 sa Metro Manila kag apat ka mga kaiping nga probinsya ukon NCR Plus.
Pinaagi sini, mahagan-hagan ang numero sang ginadala sa ospital kag patay bangud sa COVID-19.
“We prevent hospitalization. We prevent and minimize deaths by prioritizing,” dugang pa ni Cabotaje.
“And the bigger the population that is vaccinated, we have population protection, so hindi magkakahawaan. Kung may magkahawaan man, this will be very mild.”
Matandaan nga ginpahayag sang mga otoridad nga target nila nga mabakunahan ang 70 million nga Pinoy subong nga tuig agud malab-ot ang herd immunity batok sa COVID-19.
Apang bangud sa isyu sa global vaccine supply, plano sang gobyerno nga bakunahan ang 50 tubtub 60 percent sa 108 million nga populasyon sa diin prayoridad ang yara sa NCR Plus.
“Ang ating tina-target will be based on our global supply. So alam naman natin na may konting problema ngayon sa merkado because of the surging cases in India, tapos nasunog pa,” pahayag ni Cabotaje.
