ILOILO CITY– Nagapangabay ang Department of Health Region VI sa publiko nga sa subong likawan ang pagpatigayun sang dalagko nga mga pagtililipon bangud sa pamahaog sang coronavirus disease 2019.
Sa interview sang Bombo Radyo kay Dr. Mary Jane Juanico, head sang infectious section sang Department of Health Region 6, iya ginpahayag nga ila ginatan-aw sa kun paano nagalaton sa iban nga tawo ang virus.
Suno kay Juanico, ang pagkansela sang pagpatigayun sang dalagko nga mga aktibidad sa diin makaganyat sang madamo nga tawo, ang isa ka paagi agud maprotektahan ang mga pumuluyo.
Pahayag pa ni Juanico, kun indi gid malikawan ang pagpatigayun snag mga aktibidad, kinahanglan nga ang mga organizers ang magpatigayn sang precuationary measures agud malikawan ang nasambit nga balatian.
Dugang pa sang natungdan, likawan sang mga pumuluyo ang makigsimpon sa mga tawo nga posible infected sang coronavirus disease 2019.
