ILOILO CITY – Wala nagabag-o ang panindugan ang Department of Health kun physical distancing ang pagahambalan.
Sa interview sang Bombo Radyo kay Dr. Jessie Glen Alonsabe, pinuno sang Regional Epidemiology and Surveillance Unit sang Department of Health Region 6, iya ginpahayag nga ang ideal nga physical distance amo ang 1 ka metro agud nga mapanubo ang risgo sang transmission sang COVID-19.
Suno kay Alonsabe, ang reduce physical distance sa mga pampubliko nga salakya nga ginaduso sang Department of Transportation ang applicable lamang sa Metro Rail Transit (MRT) kag Light Rail Transport (LRT) sa Metro Manila kag indi sa bug-os nga pungsod.
Ginpahayag ni Alonsabe nga iga-review pa sang Inter-Agency Task Force ang nasambit nga mandu sang Department of Transportation antes ang istrikto nga pagpatuman sini.
Nahibalu-an nga ang 0.75 meter nga physical distancing sa mga pashero sang pampubliko nga salakyan ang nag-umpisa na subong nga adlaw, Setyembre 14.
Sa Setyembre 28, panubu-an pa gid ang physical distance sa 0.5 meter kag ini ang panubu-an pa gid sa 0.3 meter sa Oktubre 12.
Ang nasambit nga mandu sang Department of Transportation ang nagtuga naman sang nagkalain-lain nga reaksyon gikan sa mga driver kag mga commuter.
