Nagpaandam ang Department of Health (DOH) sa mga private laboratories nga nagatanyag sang saliva test sa COVID-19.
Sa interview sang Bombo Radyo kay Dr. Mary Jane Juanico, COVID-19 spokesperson kag pinuno sang Infectious Disease Section sang DOH Region VI, iya ginpahayag nga wala pa sila makapaggwa sang opisyal nga pagsulundan may kaangtan sa paggamit sang saliva test sa COVID-19.
Gin-athag ni Juanico nga ang Philippine Red Cross (PRC) lamang ang ginhatagan sang approval nga makapatigayon sang saliva test.
Buot silingon, ang saliva test nga himo sang PRC lamang ang ginakonsiderar nga opisyal kag mahimo nga gamiton sang isa ka indibidwal.
Santo sa pagtuon nga gin-obra sang PRC, naggwa nga masobra sa 98 percent ang ka-epektibo sang saliva test.
Sa subong, ang Research Institute of Tropical Medicine (RITM) ang nagavalidate kun mahimo nga gamiton ang saliva test sa iban nga mga laboratoryo sa pungsod.
