Wala sang lockdown nga matabo sa Department of Health (DOH) Region VI sa Mandurriao, Iloilo City.
Nahibaluan nga una na gin-anunsyo ni Iloilo City Mayor Jerry Treรฑas ang pagpaidalom sa ”lockdown” sa opisina sang sa DOH Region VI kasunod sang kumpirmasyon nga may duha ka Delta cases sa ahensya.
Sa interview sang Bombo Radyo kay Dr. Bea Camille Natalaray, spokesperson kag Head sang Non-Communicable Disease Section sang DOH Region VI, iya ginpahayag nga nakabaton sila sang amo nga sulat nagikan kay Mayor Treรฑas apang ginapahayag nga suhestyon lang ini sang alkalde.
Suno kay Natalaray, recovered na ang duha ka empleyado nga infected sa Delta variant sa diin halos isa na ka bulan nga wala ang mga ini nakabalik sa opisina.
Gin-athag man niya nga kadam-an sa ila ang nagapatigayon sang skeletal workforce ukon work-from-home arrangement kag indi tanan nga empleyado ang naga-report ‘physically’ sa opisina.
Fully vaccinated naman suno sa iya ang 96 ka porsyento nila nga mga empleyado.
Nagapati man si Natalaray nga indi mahimo nga i-shutdown ang ila operasyon sa Western Visayas bangud makabig nga ‘vital government agency’ ang DOH.
