Aprubado na sang Department of Justice (DOJ) ang hingyo sang Independent Commission for Infrastructure (ICI) nga magpagwa sang Immigration Lookout Bulletin Order (ILBO) batok sa 16 ka personalidad nga ginapaimbestigaran bangud sa ginaalegar nga may kaangtanan sa maanomaliya nga mga flood control projects.
Suno sa DOJ, na-release na ang ILBO batok sa mga masunod nga indibidwal nga ginalakipan nanday:
Former Caloocan Representative Mary Mitzi “Mitch” Cajayon-Uy
Arturo Atayde, amay ni Representative Arjo Atayde
Alvin Tan
Bong Marasigan
Elmer de Leon
Ed Fuentebella
Johnny Santos
John Mary Vianney Parago
Alvin Mariano
Ryan Uy
Darryl Recio
Nestor Venturina
Benjie Tocol
Magluwas diri, nalakip man ang mga engineer nga sanday Aristotle Ramos, Michael Rosaria, kag Angelita Garucha
Suno pa sa DOJ, ang ILBO nagamando sa Bureau of Immigration (BI) nga bantayan kag ipahibalo sa ahensya kun may pagbyahe sang nasambit nga mga personalidad pakagwa sa Pilipinas.
Ginklaro man sang DOJ nga wala ginadumilian ang mga ini nga magbiyahe, kundi gina-monitor lamang ang ila pagguwa sa pungsod.
Matandaan nga sang Oktubre 13 ginpadala sang ICI ang opisyal nga hingyo sa DOJ para sa nasambit nga ILBO.
