Gin-engganyo sang Department of Justice ang mag-asawa nga Curlee kag Sarah Discaya nga ila ibalik ang ano man nga nakuha nga kwarta halin sa maanomaliya nga ‘flood control projects’.
Suno kay Justice Secretary Jesus Crispin ‘Boying’ Remulla, ini nga tikang ang una nga kondisyon para makunsiderar bilang ‘state witness’ kaangot sa kontrobersiya.
Matandaan nga ginhingyo sang mga ini nga ipaidalom sila sa ‘witness protection program’ sa tunga sang ginapatigayon nga imbestigasyon.
Sa subong, suno kay Remulla, wala pa niya naistorya ang mag-asawa nga Discaya.
