Pagasakaan na sang kaso sang Department of Justice (DOJ) si Charlie “Atong” Ang, kag sa 25 pa ka mga indibidwal may kaangtanan sa serye sang missing sabungeros.
Suno sa press statement kahapon nga adlaw nakita sang panel of prosecutors nga may prima facie evidence ukon may nagaka-igo nga pamatuod ukon may “reasonable certainty of conviction” para sa napulo (10) ka counts sang kaso nga Kidnapping with Homicide.
Lakip sa kabilogan nga mga akusado ang pila ka opisyal sang pulis, mga empleyado sang bulangan, kag mga anay tinawo ni Atong Ang.
Dugang pa, may napulo kag anom (16) ka counts sang Kidnapping with Serious Illegal Detention man nga ginpasaka batuk sa pareho nga grupo kun sa diin naglab-ot sa kabug-usan nga 26 tanan ka kaso ang igahatag sa korte para sa hearing,
Samtang ang iban nga kaso batuk sa iban pa nga respondents temporaryo anay nga ginbasura, apang posible liwat pasakaan kon may bag-o liwat nga ebidensya nga maguwa.
Sa karon, ginahulat pa ang sabat sang kampo sang mga akusado para sa ila opisyal nga statement parte sa pagkadalahig sa nasambit nga kaso.
