Ginkumpirma sang Department of Justice nga wala nadayon ang naka-schedule nga filing sang counter-affidavit ni former senator Bong Revilla sang Pebrero 19 kaangot sa plunder complaint.
Ini bangud sa bag-o nga development sa pagpanguna sang National Bureau of Investigation (NBI).
Suno kay Justice spokesperson Atty. Polo Martinez, nag-file ang NBI sang motion agud malakip ang dugang nga mga respondents sa kaso.
Bangud sa motion sang NBI, gin-postpone sang DOJ ang preliminary investigation sa Marso 3, 2026 agud mahatagan sang oras ang bag-o nga gindugang nga respondents nga makasabat.
Una na nga gin-request sang NBI nga dal-on ang apat ka mga anay engineers sang DPWH nga nakuha sa National Capital Region bilang dugang nga respondents.
Suno kay Martinez, gina-angot sang NBI ang apat pa ka mga engineers sa isa ka conspiracy nga gina-angot sa plunder case.
Samtang, gin-athag naman sang DOJ nga ang malversation complaint kaangot sang plunder case batok kay Bong Revilla nga ginsumite na para sa resolution sang Enero 12, 2026.
Ginklaro man ni Martinez nga kada reklamo ang may ara sang kaugalingon nga period para sa resolution nga naka-base sa patakaran sang Department of Justice.
