Ginpasalig sang Department of Justice (DOJ) nga mangin ma-id-id ang pagtuon sang piskal sa ginarekomendar sang quad committee nga kaso batok kay former President Rodrigo Duterte nga naangot sa ginaalegar nga extrajudicial killings sang ginpatuman ang war on drugs.
Suno kay Justice Undersecretary Hermogenes Andres, himuon sang National Prosecution Service ang “independent evaluation” sa tanan nga mga ebidensya nga ipadala sang quad comm.
“Pag-aaralan ng mabuti ng Department of Justice-National Prosecution Service (DOJ-NPS) ang lahat ng dokumento, ebidensya na ie-elevate ng ating quadcom doon sa kanilang committee report that would possibly implicate people on crimes on humanity and international humanitarian law,” suno sa senior official.
Ginplastar man sini nga naka-establisar na ang ahensya sang task force sa extrajudicial killings kag naka-umpisa naman sa pagtipon sang mga ebidensya. Kun makit-an nga mabakod ang mga ebidensya, igasunod ang pagpasaka sang kaso apang suno sa iya, kun may i-file gid man nga kaso, indi ini harassment case kundi santo sa gina-uyatan nga ebidensya.
“Iko-consolidate natin ang lahat ng ebidensya kasama itong bagong committee report dahil dito po sa quadcom hearings ay marami po ang importanteng, mahahalagang impormasyon, pagsisiwalat at ebidensya at mismong pag-amin na possibleng magsimula ng mas malalim pang pagsususri at pagkalap ng ebidensya,” dugang sini.
Matandaan nga ang gin-rekomendar sang megal panel sa Kamara amo ang pag-file sang kaso nga crimes against humanity batok kanday former President Duterte, long-time aide sini nga si Senator Christopher Lawrence “Bong” Go kag anay Philippine National Police (PNP) Chief kag subong Senator Ronald “Bato” Dela Rosa kag iban pa nga police officials.
Ginbasehan sang quad comm ang Section 6 sang Republic Act 9851 ukon kilala man nga Philippine Act on Crimes Against International Humanitarian Law, Genocide, and Other Crimes Against Humanity.
