Naka-secure ang Department of Justice sang indi magnubo sa pito ka mga conviction sa ila nagapadayon nga mga pagtinguha sa pagbato sa money laundering kag terrorism financing halin 2021 tubtob sa katapusan sang 2024.
Ini nga panahon kadungan sang paglakip sang Pilipinas sa gray list sang Financial Action Task Force (FATF), nga nagakilala sang mga hurisdiksyon nga yara sa idalom sang dugang nga monitoring para sa mga financial crimes.
Sa isa ka news forum sa Quezon City, gin-highlight ni DOJ Deputy State Prosecutor Deana Perez ang mga notable convictions, lakip na ang kaso nga anti-money laundering batok kay Janet Lim Napoles.
Ang Regional Trial Court sang Manila, Branch 24, nagtumod kay Napoles nga guilty beyond a reasonable doubt sang Hulyo 2024 sa paglapas sa Section 4(a) sang Republic Act No. 9160, nga kilala man bilang Anti-Money Laundering Act of 2001, nga gin-amyendahan sang Republic Act No. 10365.
Ginsentensyahan ini sang indeterminate nga pagkapreso sang pito tubtub 14 ka tuig kag ginmultahan sang P16 million.
Sa kabilugan, natalupangdan niya nga ang DOJ madinalag-on nga nakakuha sang pito ka mga conviction para sa paglapas sa money laundering.
Sang ulihi nga bahin sang nagligad nga bulan, gin-anunsyo sang Financial Action Task Force nga nakabase sa Paris ang pagpahalin sa Pilipinas sa ila gray list sang mga pungsod nga ginapaidalom sa heightened scrutiny para sa money laundering kag terrorism financing.
